“Xristian irsimizi tanıyaq” layihəsi çərçivəsində ölkəmizdə xristian dininə aid və dövlət tərəfindən qorunan məbədlər, kilsə və monastrlara dair qısa videoçarxlar təqdim olunur.
"Xristian irsimizi tanıyaq” layihəsi çərçivəsində hazırda biz “Müqəddəs Məryəm Ana" Katolik Kilsəsindəyik.
Ölkəmizdə ayrı-ayrı etiqad və inanclara malik etnosların min illərlə əmin-amanlıq şəraitində yaşamasında, etnik mədəni müxtəlifliyin günümüzədək qorunub saxlanmasında Azərbaycan xalqına xas olan humanizm və çoxmillətlilik dəyərlərin müstəsna rolu var.
Tolerantlıq Azərbaycanın digər xalqlara nümunə göstəriləcək milli mənəvi sərvətidir.
Dini icmalara bərabər şərait yaradıldığı kimi, Azərbaycanın katolik icmasına da qayğı göstərilir və katoliklər üçün kilsə yenidən bərpa olunur.
Yozef Marek - Katolik Kilsənin Apostol perfekturası dini qurumunun təmsilçisi söyləyib ki: - "Şükür Allaha, burda bu cür şərait var ki, həm katoliklər həmdə digər xristianlar sərbəst olaraq burada yaşaya və ibadət edə bilirlər. Azərbaycanda müxtəlif konfessiyaların nümayəndələri sülh şəraitində yaşayırlar. Bir birilərinə hörmətlə yanaşırlar. Və bu ənənə halını alıb. Azərbaycan nümunəvi ölkədir".
İşğaldan azad edilmiş ərazilərimizdə də xristian dini mirası və abidələri mənşəyindən asılı olmayaraq, yüksək səviyyədə qorunacaq, bərpa ediləcək və istifadəyə veriləcək.
Lalə Quliyeva